電池說
今日睇新聞又見倒有人被電話電池焯傷，真係好想知道佢用邊隻型號既電話，定係私自用左啲大陸電池。
其實手提電話或其他手提 electronic device ，裏面都只係電腦版連埋一大堆 IC 。除左粒電池之外，就冇任何野會爆炸。所以我唔介意用大陸出既手提電話，但係千祈唔好用大陸出既電池。一般既電池其實裏面都有粒電流控制( current control )既 IC ，係用黎 detect 個正負接觸面有冇短路。如果有短路既情況發生，就會立即斷電。但係大陸既電池因為欠缺品質控制，或偷工減料，可能粒 IC 跟本就唔 work ，甚至跟本就冇左個粒電流控制 IC 。結果當粒電短路既情況發生，粒電就會通過大量電流而產生過熱情況，就會焯傷人甚至爆炸。
講開電池，我又諗起香港既一般銷售員都會當你買新野既時候，叫你返屋企第一次充電既時候要充十個鐘。其實如果你有留意，而家你地買新野，粒電池其實已經有電，咁你又點會係第一次充電呢？以前既電池係 nickel-based ，有 memory effect ，個類電池如果長時期未用晒啲電之前 recharge ，的確係會令電池既壽命減短。但係而家既充電電池可以講全部都改用 lithium-based ，係唔會有 memory effect 。即係第一次充電又唔需要叉滿，日後充電亦唔需要先放電咁無聊。
延伸閱讀：
不 少 人 喜 歡 在 睡 覺 時 將 手 機 通 宵 充 電 ， 手 機 零 售 商 林 小 姐 表 示 ， 電 池 充 電 太 久 也 有 可 能 爆 炸 ： 「 操 作 唔 好 ， 電 池 會 脹 ， 脹 就 唔 能 夠 再 用 ， 如 繼 續 用 ， 都 會 發 生 爆 炸 。 」
今朝睇生果報，妖，又係呢 D 白痴銷售員响度吹水。咁當然，電池脹左就唔能夠繼續用。但係叉電其實電話裏面有粒 charging IC ，叉滿會自動 cut 電。就算粒 charging IC 有問題，都係廠方同工程師既問題，唔關「操作唔好」事啦小姐。
想請教, 那即係如果我買新手電既時候…係唔係可以即刻用舊電?
係可以，冇問題既。
如果買左即用，個電池未必會叉滿俾你，所以可能好快就會冇電。但係即刻用絕對唔會好似啲 sales 咁講整壞粒電囉。
鐵鎚兄，咁nickel battery第一次充10個鐘電又有乜用？
nickel-based battery 有 memory effect ，要充盡粒電同埋放盡粒電先可以保持粒電既 max capacity 。(雖然有 D nickel-based 電放盡之後會叉唔返起。。。所以而家大部份既機都轉晒用 lithium 架喇)
年初四﹐祝 Gideon 你開工大吉！長賺長有！
原來係咁…如果我無睇到你呢篇野﹐都仲以為依家d電池第一次用要「叉爆」十個鐘先用得添。原來已經唔使…
Thanks for sharing!
啊,原來如此,多謝通識教育.
我以前睇過篇文話依家d電池反而吾好等用曬d電先charge,會減低d電既壽命喎,應該keep住電池有電,咁又真吾真呢?
Samsara，係架，所以而家你買新電池係會有電響裏面。如果你長其唔用又放晒D電，粒電會有機會叉唔返起。
哈，冇啦啦扮電池專家添。但係我講女個時又唔見有咁多人問野既？我對女既研究絕對多過電池架。
Big Hammer, thanks for sharing!
又有問題, 如果一粒叉電有30%電力, 而另一粒有80%, 咁, 如果一齊用, 有無壞影響呢?
hmm…咁我又冇玩過呢 D 兩粒電既 device 喎。要睇佢兩粒電點駁。。。performance 可能會冇咁好，但係對 lithium-based 電應該都唔會有壞影響。
對 nickel-based 既會有，因為當個粒 30% 既電用晒，但係 80% 個粒未用晒，結果你又齊齊兩粒叉返滿佢既話，咁 80% 個粒咪會有 memory effect 囉。
好勁呀~ 工程師
我諗諗下又有問題，咁ｄ筆芯電係咪nickel-based嫁呢？我有ｄ可以重複charge電既AAA電又係咪based呢?
究竟咪年代既手機係用nickel-based既呢？大哥大？
洛克，一言驚醒，為左不求傳真，只求高深，等我聽日教大家 I = V/R 先。
Samsara，你粒電上面應該有寫架。
又真係有寫喎，原來Ni係指Nickel.
好啦，打電話問功課完畢．
請問一下..如果我用左Samsung既原裝叉座唔小心將舊原裝電叉左48小時以上…
請問會唔會對舊電有好大影響?
呵.. 乜咁舊既 post 都仲有人睇
我講既只係正常既做法啦，即 Samsung 做得好唔好我估佢唔倒。
正常黎講，一粒電叉滿左會有某特定電壓(voltage, 例如 3.8V),
正常既叉座會 detect 倒粒電既電壓，就知粒電滿唔滿。
(例如 check 倒粒電 3.8V 就等如叉滿，得返 3.2 V 即係唔滿，簡單？)
粒電滿左，叉座就應該 cut 電，咁對舊個粒電就唔會有影響。