鎚心所欲 一仆一碌

玩玩模擬周秀娜與教授對答，好過玩 FB 啲無聊心理測驗。
先指聲明，我雖然身為乜叉資深工程師，但完全唔覺得我答得好過周秀娜。
而若果佢當日好似我咁答，市場反應一定唔會比而家好。
證明乜野？讀書係完全對掌握同了解市場係完全冇幫助。
周秀娜係一個天生識 sell 自己既人。
(唔好話我知教授又一早預左市場既反應聲音會係咁，自己專登做醜人)

李：你覺得呢個年紀o既人，有乜共同特色？

鎚：話不投機半句多

李：除o左呢樣，生活上呢？

鎚：同上一代有差異既野

李：有乜差異？

鎚：例如玩自拍。不過只因為以前相機未有普及。

李：你係咪覺得呢代人好鍾意激烈情緒同情感上得到愉悅？

鎚：請問你知唔知邊個叫璩美鳳？關呢代人咩事？

李：自拍愉悅係咪快樂一種？自拍同反叛有冇關係？

鎚：你問既明題係咪有語病？-> 自拍愉悅係咪快樂一種？

李：自拍同反叛有冇關係？

鎚：自拍同反叛冇關，有家長唔俾自拍咩？自拍反叛邊個？

李：有冇曾經後悔？例如為讀書冇睇一場騷。

鎚：(己經開始好冇耐性) 教授，呢個世界除左穌哥之外冇人從未後悔。

李：對於我冇睇騷，你有乜comment？

鎚：關我鬼事？

李：依家年輕人係點？

鎚：依家年輕人因為懂得思想，所以容易迷失自我。

李：咁你有冇衝動同欲望梳理自己？

鎚：我有衝動同欲望修理教授你多啲。

李：你覺得年輕人追求自己或做緊乜o野係咪好重要？

鎚：任何人都應該有所追求。冇追求既人如走肉行屍

李：快樂對你o黎講係咩？「你快唔快樂」？

鎚：呢一刻我對住你，浪費左我好多時間，我冇諗過一個大學教授會問埋咁多自己都唔知自己問乜既問題，我好唔快樂。

補充返句：小弟純粹貪玩，絕對冇歧視教授之意。聽聞教授其實喺講座內，播影左幾個香港同類型有三點式畫面而冇被強制收回既廣告，證明香港人歧視o靚模(其實講座本身觀眾既反應/提問亦證實左呢點)。其實香港又何止歧視o靚模？我地仲有歧視大陸人，天水圍人，蠢人，樣衰既人…..

上一篇有朋友留言質疑，我們怎會「認清事實去扭曲事非」？你睇呢班大學生所謂讀過幾年書，打從心底睇唔起啲 F5 畢業既人，利用自己既知識去放自己於一個有利位置，然後任意問一啲亳無意義既問題，最後無論你答乜，佢都可以令你難堪，佢地既行為有多恐佈？

有興趣既不如睇埋王迪詩呢篇「知識就是欺壓的力量」。

13 Responses to “模擬周秀娜對答”