我正在研究緊點解廣東話打出黎會比書面語惡咁多。響未有結果之前，我唯有暫時打多啲哈哈。
爛鎚冇時間日日實個市，唔信內幕消息(有都唔信，除非某上市 CEO 同我講，加我預左俾人告 insider trading)，所以我從來唔短炒。我既炒股信念大都同意市場先生既立場，所以喺大跌市，我都每晚都訓得好好，哈哈。
我冇睇信報既習慣，但係因為聽講信報開始有綱上版，所以就上去八下。見倒 register 先有得睇，但係又唔駛俾錢就可以 register 喎，就嗱嗱淋 reg 。可惜開心冇耐， reg 左之後就顯示要俾錢先可以讀。我完全唔知 reg 黎做乜，哈哈。
不過路過信報論壇，見倒曹仁超個篇捉熊腳：
曹仁超(投資者日記): 投資者應分清小氣候、大氣候。大氣候係去年11月起港股進入熊市，小氣候係熊市二期中有十隻八隻熊腳，如果捉得到每次反彈幅20％或以上，都幾和味（例如今年3月至5月）。但上述係小氣候，不應因此忘記大氣候。
以上所講恆指反彈 20% 即 4000 點，只係三月中個次終極一跌之後由 21000 上返 26000 出現過，其餘既大上大落都係千幾點。假如，你真係咁癲可以 peak to peak 咁捉，都只不過係 6-7% 上落，仲要你可以神機妙算知道油量供應幾時會增產，仲要算埋增幾多有冇用，仲要算埋個消息幾時出喎。Mr. Common sense 話我知，自以為識捉熊腳以又唔會俾隻熊踼死既人，都係傻既，哈哈。
所以如果你膽少如爛鎚，我教你一招好絕既。就係等啲高手如市場先生覺得個市抵入，用晒 100%現金之後，你先開始買。記住只係開始買，所以唔好買匯豐，因為太貴，現價都差唔多要五皮先一手，除非你有三四十萬可以玩，如果唔係就唔夠錢分注買。
當下我覺得好玩既，有港交所，中人壽同渣打。响港交所拆細之前要成 10 萬蚊先買倒一手囉。而家拆細左，又由高位時回落到百幾蚊，即係皮幾野就一手。港府當日入市價仲响 150-180個位，加上我對香港經濟有信心，抵玩。可以現價入一手，然後每跌 10 蚊入一手，視乎你有幾多彈藥。咁樣一來又唔怕升返之後買唔倒，二來又可以捉倒啲平價貨。 中人壽亦類似，如果你對國企情有獨鐘，不防一試。可惜港交所同中人壽都冇息派(有都極少)，如果想有息收開心下，可以試下渣打。呢隻完全係市場先生心水，加上渣打响美國業務唔似得匯豐咁多，所以美國經濟衰進對渣打既影響相對較少，而派息聽講都有四五里，okay。哈哈哈哈。
你地呢兩日有冇睇施永青個專欄？
我認同施永青個觀點，人既認知能力有限。但係我自己既觀察發覺，好多人對知識學識個種執著，已經到左一個迷信既階段。
上一(幾?)代人讀書唔多，佢地賺唔倒錢就賴讀書少，所以迷信只要讀書就會賺倒，可以理解。奇怪既係，到今時今日，仍然有好多後生仔，讀完個學士搵唔倒錢，就會讀碩士，讀完個碩士都搵唔倒錢，就會讀博士。仲要每次讀完出黎，都以為自己讀飽詩書，能知天下事，一定會賺大錢，仲會周為去教人。
我唔知一般既老闆會唔會鐘意請呢類人，但係我同呢啲人共事就會覺得一定會好頭痛。你請呢類大學生返黎，唔駛諗住叫得佢郁做野。佢會覺得，佢清楚盤生意多過你，唔駛你叫佢做咩，佢反而會話你知佢要做咩，甚至會話俾你知你要做咩。
我會覺得，知識係重要，但响商業社會，並唔係全部。尤其事而家知識泛濫，當日你有最基本既知識後，就應該多思考，去決定你需要學習乜野知識。因為好多所謂「知識」，跟本就其他人作出黎既，你 follow 得幾緊，學幾多都係浪費時間。
好似我做 product 咁，我就係好怕去做一啲 proprietary 既開發平台。呢啲平台分分鐘全世界都只係得幾間公司用，你對左呢個平台幾年，幾熟都好，一個唔該你轉去其他公司或者公司轉其他平台，你又變返做癈人。所以我對 Linux 咁執著，起碼我覺得，佢而家仲係 expand 得好快，只會越來越多公司採用。我既決定啱唔啱冇人知，只能夠靠時間去證明。但係 so far, okay。
又例如炒股票。我唔明啲人點解可以讀好多短炒既書，讀晒每日每間公司出既消息。啲消息，係人作出黎既囉。呢啲消息，今日作左出黎，聽日又可以推翻，咁讀黎做乜？
要求知識，就要求點解作消息條友要放啲咁既料出黎。科技上，一間聰明既公司就應該開發開發平台去比人學，而唔係一世去學人地開發而之後俾你學既平台。可惜香港同中國一般既企業都好短視，唔會作出咁長遠既投資，所以中國從來都唔會見倒有 IC 開發既公司。
前兩日的某一遊樂場內，有一班人在喝酒。其中有兩個男女，是單身的。
女的剛剛去過 speed dating，十人大飯那種。其實 speed dating 沒有什麼問題。城市人工作時間長，人與人之間又沒有信任，除掉公事上認識的人，社會圏子就小得可憐。只是香港人思想還很保守，告訴人家你去 speed dating，隨時會惹人嗤之以鼻。
這個女人大約廿到尾吧，有點姿色，學歷也不錯，中環女性。飯後感略為簡單： 「啲男人全都係 IT ，女人就全部都係教師。」
在座有一位工程師，整晚大約自我介紹 了三次，但女人仍然唔知呢條友係乜水。
另外一位單身男子，雖然不算高薪厚職，但假假地都算是 AVP (並不是 alien vs predator)。顯然地對這個女人一點興趣也沒有，整晚都在玩弄自己的…..htc 。但女人卻有十萬條問題要問男人。
「你算數啦﹗人地唔會回你 SMS 架喇﹗」
男人不以為然。繼續發 SMS ，誓要對方回信為止。
「咩女黎架？咁緊張既？」工程師多口問。
「緊張就唔緊張。不過就好 hurt 。」單身男搖搖頭。續說：「上次唱 KTV 時識既，唉，但我未試過俾錢既都唔回 SMS 囉。」
哦。
有沒有聽過這樣的理論？一般來說，人開心的時候會笑。就是先開心，然後就會笑。但是這個現象可以顛倒的，就是就算你本來不開心，擠出一個笑來吧，然後就會自自然然的開心起來。
太神奇了﹗我決定由現在開始，不要再傷咩春秋，我要咬著筆桿笑著來打扑﹗ 
這些日子，我發覺我變得越來越膽小。如果你沒有發覺，這個扑越來越難找到我的真名字了。因為我現在的工作和以前的有點不同，要接觸的人越來越多。於商業角度上，我是我公司的代表，有一個專業的形象。如果客人們亂打亂撞到了這裏，發現這個神經病的，就是自己重金禮聘回來的「專家」，後果真的不堪切想﹗(可以改名叫「渣兜的爛鐵鎚」了..)
不過我想不通的是，專業人員，就一定不可以發神經的嗎？專業人員也只是人，每個正常的人都會間中發下癲吧。(不？)。工作時工作，遊戲時遊戲，做正經事時不發癲才叫專業吧。不過就算我是這樣想，我也不能祈求我所有的客人(尤其是認識不深的)對我都能夠有這份體諒吧。
也有想過，不如博格分裂吧。好像 IQ 博士一樣，有超級靚仔和極度白痴版。一個扑寫無聊的，一個扑寫專業的。但是後來又想，專業的事也可以很低能，這樣寫才不會悶，又可以引起讀者興趣。hm. 等等，我在說什麼，不是剛說了正經時不發癲才是專業嗎？灰…….
所以就這樣了。沒有將所有之前的文章都拿掉。(還沒)。但是郤想要一個新的開始。不想再將工程師這個銜頭掛在口邊，因為實在沒有什麼大不了。
(實情是這個銜頭溝不到女)。(又，不溝女不等如要溝不到女)。
努力。
其實女神都係人，只不過佢地會令你心跳不受控地加速，手心不自覺地漂汗，口水流晒都唔知。所以佢地係神，仲要係最上腦既女神。
扑界既女神唔駛多講，小鎚仍然覺得 Elaine 係一眾既最佳迷戀幻想對象。Elaine 做過拳手喎。當飲到天昏地暗，隔離攬住個咩(男)人都唔知既時候，有位溫柔體貼既拳手為自己送上一杯杯暖暖既熱茶。係咪好想一擁入懷先？又或者响航機連續半小時遇著氣流要緊急降落，嚇到面青口唇白既時候，有位如若天仙既靚女捉住你隻手，然後同你講：「先生，無論發生任何事，我都會响你身邊陪伴到你生命既最後一秒。」係咪好冧先？
唔夠幻想力既朋友，其實都有其他女神可以選擇。睇開我網誌既朋友應該都有留意，其實我唔太鐘意見倒密密麻麻既字，所以當成個扑都係字既時候，我都會貼下啲女仔相。其中貼得最多既，係一個叫王穎既 model 仔。其實而家王穎己經唔再做 model 仔，仲已經化身成為多功能女神，由化妝到攝影實行終生學習活到老學到老，仲日日好勤力咁寫扑添。
除左王穎之外，我仲特別留意性感組合 Freeze 。其中小鎚最啱心水既，係陳樂榣，所以榣榣其實一直都喺小鎚個私人 google reader feed 裏面。有日响呀榣榣個扑度，寫左個 post 叫 ladyfirst ，係介紹一個電台節目。榣榣仲話：「以為自己好了解女性嘅男仕就一定要聽」喎。原本都冇乜興趣既，但係再睇原來做節目既，有 Elaine ，王穎，榣榣，仲有袁彌明，即係一個節目有咁多個女神喎﹗Elaine 呢排個扑度又寫少左咁多野，係咪好想知佢近況呢？又如果想知道 Elaine 把聲係點既話，就更加唔可以錯過喇﹗
http://www.hkreporter.com/myradio/channel_list.php?channelid=111#
(好，hardsell 完畢，記住請飲茶﹗)
(又，費事又唔之邊度黎啲衛道戰士，先聲明 Elaine 從來冇叫過我幫佢 sell 囉。咩事先？都話左我幻想力好好架啦。)
